ONLINE GAMING TRANSACTIONS, MIUBOS SA 50% HUMAN MIPAKANAOG OG DIREKTIBA ANG BSP- PAGCOR

Gikumpirmar sa Philippine Amusement and Gaming Corp. (PAGCOR) nga miubos sa 50 porsyento ang Online Gaming Transactions, human nimando ang Bangko Sentral ng Pilipinas (BSP) nga wagtangon ang link sa e-wallets sa mga gambling sites gikan sa ilang platforms.

Pinasikad sa BSP Memorandum No. 2025-29, nga giisyu ni BSP Deputy Governor Mamerto Tangonan, niadtong Agusto 14, 2025  gimandoan ang e-wallet platforms nga wagtangon ang ilang app kinsa nagpasiugda og nagtugot sa mga tiggamit nga maka access sa gambling sites.

Matud pa ni Pagcor chair Alejandro Tengco, base sa ilang nakalap nga listahan anaa sa 12,000 ka mga illegal online gaming sites, og 77 lamang ang licensed.

Samtang si FPJ Panday Bayanihan Rep. Brian Poe, nagkanayon nga lakip sa ilang nasagap nga mga app o advertisement mao ang Poppo Live, Awaas, Gemgala, og ang Hichat.

Admitado usab si Tengco, nga kining mga apps padayon gihapon nga nag operate dinhi sa nasud sa pilipinas og kini kalakip sa 12,000 sites nga ilang na report na sa DICT, CICC, National Bureau of Investigation, og anaa na sa 8,000 ka mga illegal sites ang kinatibuk-an nga na report.

Pagklaro ni Tengco, atol sa debate sa Philippine offshore gaming operators (POGOS) sa miaging tuig, ang Pagcor walay gahum sa pagpaundang sa Illegal Operators.

PHOTO Courtesy: Philippine Amusement and Gaming Corporation (PAGCOR)