Nagsaulog sa iyang adlawng natawhan si Ethel Caterham, sa edad nga 116 anyos sa Surrey, England naila nga labing karaan nga tawo sa kalibutan, sumala sa Survey.
Ang babaye naila sa Guinness World Records ug LongeviQuest isip labing karaan nga tawo sa kalibutan nga buhi hangtod karon, human sa pagkamatay sa usa ka Brazilian nga si Inah Canabarro Lucas. Gihuptan karon ni Caterham ang rekord nga labing karaan nga tawo sa Britanya sa kasaysayan.
Sumala sa usa ka katabang sa panimalay sa Senior Citizens nga maoy nag-atiman niini nga gipili sa iyang amo nga sa himuong pribado lang ang pagsaulog sa iyang adlawng natawhan kauban ang iyang pamilya.
Sa dihang gipangutana kon unsa ang iyang sekreto sa taas nga kinabuhi, ang iyang tambag yano ra “Ingna ang ‘oo’ sa matag oportunidad tungod kay wala ka mahibalo kung asa ka dad-on. Pagbaton og positibo nga panglantaw sa kinabuhi ug buhata ang tanan sa maayong paagi.”
Si Caterham adunay tulo ka apo ug lima ka apo sa tuhod. Ang iyang igsoong babaye, si Gladys Babilas, namatay niadtong 2002 sa edad nga 104 anyos. Nagkomedya pa ang Senior Citizens nga mosugot siya kong interbyuhon basta ang mo interbyu niya si King Charles nga iyang naibgan.
