Makigsangka batok sa undefeated lightweight champion nga si Gervonta “Tank” Davis si social media star-turned-boxer nga si Jake Paul mao kini ang gipaabot nga away nga gikatakda na karong Nobyembre 14, 2025, sa State Farm Arena sa Atlanta, Georgia.
Ang away gilauman nga mas makapaduol sa sports ug streaming nga kalingawan. Si Jake Paul, kanhi YouTuber nga aduna nay rekord nga 12 ka daog, 1 ka pildi, ug 7 ka knockouts, og anaa karon sa WBA cruiserweight rankings.
Nailhan siya sa paghagit sa mga kanhing MMA fighters ug sa iyang abilidad sa pagdala sa hype sa matag away.
Sa laing bahin, si Gervonta Davis usa ka boksidor sa lightweight division, nga adunay rekord nga 30 ka daog, 0 ka pildi, 1 ka tabla, ug 28 ka knockouts.
Nailhan siya sa iyang kapaspas, kusog, ug grabeng knockout power. Apan ang pangutana sa kadaghanan, kon sa unsang paagi ang usa ka cruiserweight nga motimbang og halos 200 lbs pounds makigsangka batok sa usa ka lightweight nga motimbang lang og 135 lbs pounds.
Apan bisan og kumpirmado na ang away, wala pa mapagawas ang contracted weight o ang gidaghanon sa rounds. Matod sa mga insider, posible nga adunay catchweight agreement o exhibition-style rules aron mahapsay ang mahitabong match.
Bisan pa, ang mga tigdumala nag-ingon nga dili kini usa ka exhibition apan mao kini ang tinuod nga away nga gilaumang mahimong kompetisyon.
Photo courtesy to:BBC
