Giklaro sa Bukidnon Provincial Police Office nga robbery incident ug dili pagpamusil ang nahitabo sa napusilan –patay nga 14 anyos human gituohang nangawat sulod sa eskwelahan sa barangay Alanib lungsod sa Lantapan, niadtong nakalabay nga adlaw, kung asa narekover ang kalibre .38 revolver nga armas.
Sumala pa ni Provincial Police spokesperson Major Jayvee Babaan sa pakighinabi sa Juander Radyo Malaybalay nga base sa imbestigasyon nasakpan sa watchman nga si Rey Mionez ang maong katorse anyos nga nangawat sa welding machine ug grinder gikan sulod sa tunghaan dihang nakiglayog sa suspetsadong minor-de-edad wala damha nga aduna kini armas ug aksidenti matud pang mibuto ug naigo sa tiyan lapos sa likod hinungdan sa iyang kamatayon.
Naihan matud pang notadong kawatan sa ilang lugar ang maong katorse anyos base sa pakisayod sa kapulisan sa mga silingan niini.
Sa pikas bahin nanawagan karon ug hustisya ang igsuon sa batan-ong lalaki nga si alyas “Jenny” kinsa kusganong gihimakak nga adunay armas iyang manghud sanglit giangkon nga adunay record sa pagpangawat ang nasangpit nga biktima.
Misurender na usab ang watchman sa Alanib Central Elementary School ngadto sa kapolisan kinsa posibleng mag-atubang sa kasong Homicide. Sa karon, gihaya na sa panimalay sa iyaan ang biktima ddito sa Purok-2, Kaatuan sa nahisgutang lungsod.
photo credits:Leo Guinita Jr.
