Liboan ka mga Israeli ang nagprotesta sa kadalanan karong semanaha aron ipanawagan ang hinanali nga pagtapos sa gubat sa Gaza ug usaka kasabutan sa pagpagawas sa mga binilanggo sa Hamas.
Ang mga nagprotesta nagdalag mga plakard, bandera sa Israel, ug dagkong mga hulagway sa mga binilanggo samtang nanawagan sila alang sa kalinaw ug hinanaling aksyon gikan sa gobyerno.
Miulbo usab ang engkwentro tali sa mga nagprotesta ug mga pulis, nga nag-aghat sa mga awtoridad paggamit sa water cannon aron mabungkag ang pundok, samtang ubay-ubay ang gidakop human giingong nagdumili sa pagtuman sa mga mando.
Tungod sa kaylap nga mga protesta, pipila ka mga eskwelahan, negosyo, ug mga operasyon sa transportasyon sa publiko temporaryo nga gisirhan sa lainlaing mga bahin sa nasud.
Sumala sa mga taho, dul-an sa 62,000 ka mga Palestinian ang napatay sa nagpadayon nga engkwentro tali sa Israel ug Hamas, samtang liboan ang nasamdan ug nawad-an sa pinuy-anan.
via: reuters
