Giawhag ni Philippine National Police (PNP) Chief Gen. Nicolas Torre III ang mga opisyal sa barangay nga hugtan pa ang ilang tahas sa kampanya batok sa ilegal nga drugas, taliwala sa nagpadayong kausaban sa mga estratehiya sa mga sindikato sa drugas.
Matod ni Gen. Torre, importante nga mas aktibo ang mga Barangay Anti-Drug Abuse Council (BADACs) sa pagmonitor ug pagtaho sa mga kadudahang kalihokan sa ilang mga hurisdiksyon kung asa gikonsiderar ang matag barangay isip frontline post sa pakigbatok sa ilegal nga drugas, ug kinahanglang putlon ang ugat sa problema ug hatagan sa higayon ang mga adik nga magbag-o sa ilang kinabuhi.
Base sa report sa Philippine Drug Enforcement Agency (PDEA), gikan Hulyo 1, 2022 hangtod Hunyo 30, 2025, niabot sa P82.79 bilyones ang balor sa mga nakumpiska nga ilegal nga drugas sa tibuok nasod—pamatuod kini sa padayong operasyon sa mga sindikato sa drugas bisan pa sa gihingusgan nga kampanya sa gobyerno.
via: Philippine National Police
