Nasakmit sa Regional Special Operations Unit (RSOU) 10, uban sa Bureau of Customs (BOC), ang mga smuggled nga sigarilyo nga nagkantidad kapin 2 milyones pesos atol sa usa ka law enforcement operation didto sa Grandmeadows Subdivision, Purok 4-B, barangay Batangan, Valencia City Bukidnon, Agosto 14, 2025.
Nabantayan sa mga operatiba ang mga smuggled cigarretes nga gihipos sa balcony sa giabangang balay kung asa giingong bodega hinungdan nag-aghat sa pagkigkordinasyon sa mga opisyal sa barangay ug mga personahe sa BOC alang sa hiniusang operasyon.
Nakumpiska ang 10 ka cellophane pack sa “TITAN” brand cigarettes, 8 boxes/cases sa “TITAN” brand cigarretes, 38 boxes/cases sa “GROW” brand cigarettes, ug 1 box/case sa “VESS” brand cigarettes, nga adunay total estimated market value nga PhP2,0280,000.
Ang mga nasakmit nga butang gidala sa Valencia City Police Station alang sa temporaryo nga pagtipig ug pormal nga i-turnover sa Bureau of Customs alang sa tukmang disposasyon.
Padayon karon ang follow-up nga imbestigasyon aron masuta ang tinubdan sa mga kontrabando ug mapangita ang suspetsado nga si alyas “Abdul,” residente sa Iligan City, kinsa pabiling at large.
Si PBGEN ROLINDO M SUGUILON, Regional Director, PRO10, midayeg sa mga operatiba sa pagpugong pagdagsang sa smuggled goods sa Northern Mindanao.
via: RPIO PRO10
