Nagpadayon ang init nga panagbangi tali sa Russia ug Ukraine pinaagi sa dagkong drone attacks niadtong Domingo sa gabii.
Nahitabo kini samtang nagpadayon usab ang diplomatikong kalihokan alang sa umaabot nga summit tali ni U.S. President Donald Trump ug Russian President Vladimir Putin niadtong Biyernes sa Alaska.
Gireport sa Ukrainian Air Force nga 100 ka Russian drones ang gipagawas, diin 70 niini ang ilang malampusong na-intercept.
Sa pikas bahin, gipahayag sa Russia nga 126 ka Ukrainian drones ang ilang nahagsa.
Tungod sa mga pag-atake, temporaryong gisuspende sa Russia ang mga biyahe sa pipila ka airports sa Vladikavkaz, Grozny, Saratov, ug Kaluga.
Patay usab ang usa ka tawo ug pipila ang nasamdan sa Saratov human maigo sa drone ang usa ka pinuy-anan ug nadaut ang usa ka oil refinery.
Gikumpirma sa Ukrainian General Staff nga ang ilang target mao ang oil refinery, nga giingong gigamit sa mga pwersa sa Russia.
Matod sa Ukraine, kabahin kini sa ilang estratehiya aron pahinayon ang militar ug ekonomiya sa Russia.
source: John Flores
photo credits: thestandardtimes
