SURIGAO CITY- Napalgan ang usa ka balyena o short-finned pilot whale (๐๐ญ๐ฐ๐ฃ๐ช๐ค๐ฆ๐ฑ๐ฉ๐ข๐ญ๐ข ๐ฎ๐ข๐ค๐ณ๐ฐ๐ณ๐ฉ๐บ๐ฏ๐ค๐ฉ๐ถ๐ด) sa may Barangay Buhang, Magallanes, Agusan del Norte.
Sigon sa Marine Mammal Stranding Response Team sa Department of Agriculture – Bureau of Fisheries and Aquatic Resources (DA-BFAR) Caraga, nasiplatan sa mga residente ang na stranded nga whale bandang alas 10:30 sa buntag, Agosto 10, ug dayung gitaho sa Philippine Coast Guard (PCG) Magallanes Sub-station.
Nakig alayon ang PCG sa Municipal Agriculture Office ug DA-BFAR aron matabangan maluwas ang Balyena nga nagkaluya na adtong tungora gumikan sa kamabaw sa tubig. Motimbang kini sa 300-kilogram ug sa pagsusi duna kini samad.
Gidala ang Balyena sa Beterinaryo pinaagi ni volunteer-rescuer ug veterinarian Dr. Leona G. Nortega. Gitambalan ang mga samad niini ayha gidala sa kadagatan sakop sa Barangay Caloc-an para subling ibalik sa kadagatan.
Padayong pahinomdom sa BFAR Caraga, ireport gidayon ang sama niining panghitabo aron maluwas ug ma-preserba ang mga mananap sa dagat.
Photo Courtesy: Dennis Brylle Balamba, BFAR Fisheries Integrated Laboratory Section
