Nanghatag og dugang tabang aron masuportahan ang pagsugod sa ilang bag-ong panginabuhian ug paggiya ngadto sa mas malinawon nga kinabuhi, layo sa armadong pakigbisog ang lokal nga pagagamhanan syudad sa Valencia alang sa mga rebel returnees pinaagi sa seremonya gipahigayon kagahapon Agosto11, 2025
Sa exclusive nga pakighinabe sa Juander Radyo Malaybalay ni 1LT John Andrew Gloriani (INF) commanding officer Alpha Company sa 89th Infantry Batallion Philippine Army gibutyag nga nahimong mabungahon ang kalihokan pinaagi sa counterpart nga suporta gikan sa LGU-Valencia sa pagpanguna ni City Mayor Amie Galario alang sa pormal nga paghatag tag ₱10,000 cash assistance matag benepisyaryo kauban ang 89th Infantry Battalion, 10th Infantry Division, Philippine Army, ug Philippine National Police
Nasayrang ang mga benepisyaryo i-apil usab sa Enhanced Comprehensive Local Integration Program (E-CLIP) aron padayon silang makadawat og serbisyo ug suporta gikan sa nagkadaiyang national nga mga ahensiya.
Base sa rekord, 26 sa mga nakadawat gikan sa Barangay Banlag, 4 gikan sa Barangay Concepcion, 3 sa Barangay Sinayawan, 2 sa Barangay Sinabuagan, ug tag-usa gikan sa mga Barangay Dagatkidavao, Lumbo, Lumbayao, ug Mabuhay.
Ang tabang nga gihatag dili lang pinansyal apan usa usab ka klaro nga timaan nga andam ang gobyerno ug komunidad sa pagdawat pag-usab ug paggiya sa mga former rebels padulong sa mas malinawon ug lig-on nga kaugmaon
via: City Government of Valencia City
