Patay ang driver sa puting van human naipit sulod sakyanan sa pagkabangga tali sa trailer truck kagahapon Agosto 11, 2025, didto sa Purok -3, Quarry, Barangay Sampagar lungsod sa Damulog, Bukidnon.
Base sa inisyal nga report, ang van nagbiyahe padulong sa Carmen, North Cotabato, samtang ang trailer truck paingon sa lungsod sa Kibawe, dihang pag-abot sa lugar sa insidente kalit misulod sa lane sa nasangpit nga van hinungdan sa pagbangga.
Unang miresponde sa insidente ang mga residenti sa Barangay Sampagar uban ang suporta sa Municipal Disaster Risk Reduction and Management Offices (MDRRMO) sa Dangcagan ug Don Carlos.
Sumala ni Damulog MDRRMO Chief James Patrick Colegio, pinaagi sa hydraulic equipment gipaningkamutan sa mga rescuers nga makuha ang naipit nga driver.
Daling gidala usab sa tambalanan ang sakay sa maong Van nga mga madre sa simbahan nga pauli na unta sa North Cotabato. Sa karon, padayon ang imebstigasyon sa kapolisan sa insidenti.
Photo for illustration credits to:604now.com
