MALAYBALAY CITY- Patay ang usa ka 28 anyos nga laborer human naghunos sa kaugalingong kinabuhi didto sa Purok 3, Binalbagan, Barangay Simaya, Malaybalay City Bukidnon kadlawon sa Agosto 12, 2025.
Gituohang tungod sa personal ug pamilya nga kalisdanan nawad-an sa paglaom ang biktima kinsa giilang si alyas “Erning” taga Bayugan City, Agusan del Sur.
Sumala pa, nakigsulti pa kini sa iyang kauban nga si alyas “Jer” ug gitambagan nga adunay pa’y paagi aron masulbad ang iyang problema.
Wala damha ni Jer nga buhaton kini sa biktima diin pasado alas 4 sayo sa buntag samtang migawas aron mangihi nakaplagan niyang patay na kini.
Gidala na sa punerarya ang patayng lawas sa biktima ug napahibalo na iyang pamilya.
photo for illustration credits to:hindustantime.com
