CAGAYAN DE ORO CITY- Gikumpirma ni Departament of Education Cagayan de Oro Division Medical Officer Dr. Baldomero Mark Meso nga Mass Hysteria ang iyang gitumbok nga hinungdan nganong nakuyapan ang 30 ka mga estudyante sa Balubal National Highschool kagahapong adlawa.
Matud pa ni Dr. Meso ang Mass Hysteria magsugod sa usa ngadto sa duka ka estudyante hangtod nga mag takod takod na sa uban diin adunay pisikal nga manifestation nga mag kurog ang bata ug makuyapan, apan wala matud pay medical findings.
Dugang pa ni Dr. Meso mahitabo ang Mass Hysteria sa usa ka grupo sa mga tawo nga magsugod og parehas nga emosyon o sakit , kasagaran kahadlok, kasuko, o mga simtomas sa sakit, bisan walay klarong pisikal nga hinungdan — tungod lang kay nagka impluwensyahan sila sa usag-usa.
Wala usab gi salikway sa DepEd ang pagtuo sa uban nga gisaniban ang mga estudyante tungod kay girespito sa Ahensya ang pagtuo sa uban.
Isip paghatag og pagtagad sa DepEd, ipailawom sa Psycological debriefing ang mga bata pinaagi sa ipadala nga mga magtutudlo aron dili na mausab ang maong panghitabo.
photo for illustration credits to:theawsomer
