Patay ang duha ka mga Japanese boxer, pipila ka adlaw human nag-antos sa brain injuries sa managlahing away sa susamang kard.
Namatay niadtong Biyernes, Agosto 8 si Shigetoshi Kotari ug Hiromasa Urakawa niadtong Sabado, Agosto 9, human naangol sa ilang mga away sa Korakuen Hall sa Tokyo niadtong Agosto 2.
Ang duha ka 28-anyos nga mga boksidor gipailalom sa operasyon alang sa subdural hematoma, o pagdugo sulod sa ulo.
Gipaabot sa World Boxing Organization ang ilang pahasubo sa mga pamilya, higala, ug komunidad sa boksing sa Japan tungod sa panghitabo.
Namatay usab si Kotari tungod sa samad nga iyang naangkon samtang nakig-away kang Yamato Hata sa 12 rounds, matod pa sa World Boxing Council niadtong Biyernes.
Sa usa ka pamahayag, giingon ni Mauricio Sulaiman ang Presidente sa WBC, nga nagbangotan sila sa pagkawala sa boksingero
Kahinumduman, susama usab ang nahitabo sa 28-anyos nga Irish super-featherweight fighter nga si John Cooney nga namatay tungod sa injury sa utok karong tuiga human gipahunong sa iyang unang Celtic title defense niadtong Pebrero.
