KIDAPAWAN CITY- Gipahimangnoan sa Department of Labor and Employment XII ang mga employers, nga bayaran og sakto ang mga empleyado sa duha ka holiday karong bulan sa Agosto base sa gipagawas nga Labor Advisory No. 11-25.
Gipaklaro sa DOLE nga Special Non-Working day ang Agosto 21 tungod sa Ninoy Aquino Day, kung asa ipatuman ang no work, no pay policy, gawas na lamang kung adunay polisiya ang kompanya o collective bargaining agreement nga nagahatag og sweldo alang sa nahisgutang adlaw.
Samtang, ang empleyado nga nagtrabaho sa usa ka special non-working day, pagabayran og dugang 30 porsiyento sa iyang inadlaw nga sweldo sa unang walo ka oras sa iyang trabaho, samtang ang empleyado nga nag-overtime makadawat og dugang 30 porsiyento sa iyang inoras nga kinitaan sa maong adlaw.
Regular Holiday usab sa Agosto 25 o National Heroes day, diin makadawat ang mga empleyado og 100% sa iyang inadlaw nga sweldo ug kinahanglan siyang mo-report o naka-paid leave sa ulahing adlaw sa trabaho sa dili pa ang gikatakda nga regular holiday.
Giawhag usab sa DOLE ang mga employers nga basahon ang Bureau of Working Conditions o WBC Handbook alang sa dugang impormasyon.
VIA: DOLE Region XII – Soccsksargen
