Subling gipamatud-an ni Pinoy ring icon Manny Pacquiao nga dili babag ang edad sa pagbalik sa natad sa boksing.
Bisan pa sa upat ka tuig nga pahulay, nalakip pag-usab kini sa WBC welterweight rankings karong Agosto 2025.
Ulahing away ni Pacquaio kontra kay Mario Barrios sa Las Vegas kaniadtong Hulyo 19, 2025, diin tabla ang nahimong resulta.
Nakapasar si Pacquiao sa tanang gikinahanglang medical test ug drug screening sa WBC Clean Boxing Program. Matod sa WBC, angayan siyang i-relist tungod sa maayo niyang record.
Daghang mga fans ang naghinam-hinam nga makita pag-usab ang Pambansang Kamao sa iyang sunod nga mga dula.
Alang kang Pacquiao, kini dili lang usa ka pagbalik, apan pamatuod nga ang kasingkasing sa usa ka kampeon dili gyud molubad.
photo credits:collectorshive.com
