MALAYBALAY CITY- Kapin 72 ka mga nagkalain-laing matang sa mugbo ug tag-as nga armas lakip lima ka mga granada ug landmine ang dala sa 160 ka mga myembro sa New Peoples Army atol sa gihimong mass surrender kauban ilang mga pamilya didto sa barangay Butong lungsod sa Quezon Bukidnon Agosto 8, 2025.
Dinapit nga namulong sa programa si Senador Juan Miguel Zubiri kinsa maoy nanguna sa paghatag sa tag 5-mil pesos ug tag 10 ka kilo nga bugas sa mga surrenderees.
Sa pakighinabe sa Juander Radyo Malaybalay kang Captain Ariel Asentista, spokesperson sa 89th Makatao Infantry Batalion Phililppine Army gibutyag nga ang inisyatiba pinaagi sa gipasiugda nga reintegrasyon sa kanhi sa mga rebeldi uban sa pakigkoordinasyon sa lokal nga panggamhanan sa panagsabot tali sa mga buot mosurender ug kasundalohan.
Sumala pa ang mga misurender gilangkoban sa upat ka mga commander nga sakop sa Northern Mindanao Sub-Regional Command kung asa gikan sa lungsod San Fernando, Valencia City, Kibawe ug Quezon.
Alayon niini padayon nanawagan karon ang opisyal sa nahabiling mga myembro sa rebelding grupo nga hinay-hinay nang mohangop sa kalinaw ug panaghiusa alang sa kalambuan sa tanang katawhan sa probinsya sa Bukidnon.
via: Bukidnon Police Provincial Office
