MALAYBALAY CITY- Napalgang wala nay kinabuhi, naglutaw sa fishpond ang usa ka lalaki alas 11:00 sa buntag Agosto 10, 2025. Kini human gitaho sa kapolisan sa usa ka Kagawad ang giingong kamatayon tungod sa kuryente didto sa Purok 4, Brgy. Kalasungay, Malaybalay City, Bukidnon. Giila ang namatay nga 49 anyos, lalaki, minyo, mag-uuma ug residente sa nahisgutang lugar.
Ang kamatayon nadiskubrehan sa iyang igsuon, mga alas 10:30 sa buntag sa samang petsa diin sa pagrekober sa patayng lawas nakit-an nakit-an nga adunay samad sa kamot, nga posibleng timailhan sa electric shock.
Sa inisyal nga imbestigasyon nasayran nga ang biktima misuway sa pag-ayo sa guba nga wire sa kuryente sa maong lim-aw hinungdan nga aksidente kining nakuryentihan.
Gitug-an sa iyang igsuon nga katapusang nakit-an ang biktima sa iyang pinuy-anan human nahitabo ang power interruption mga alas 7:00 sa gabii niadtong Agosto 9, 2025.Samtang gidala pa sa Bukidnon Provincial Medical Center ang biktima apan opisyal na kining gideklarar nga patay na.
via: Malaybalay City Police Station
