GENERAL SANTOS CITY- Padayon pa ang hugot nga imbestigasyon sa mga otoridad kalabot sa nakitang kalabera sa tawo nga dunay kaubang mga hulagway ug dagom nga nakaplagan sa sagbotan nga bahin kaniadtong nakalabayng adlaw sa Purok Placida, Brgy. Calumpang General Santos City.
Gawas sa kalabera napalgan usab sa maong dapit ang hulagway sa usa ka lalaki ug babaye ug sa luyo nga bahin sa litrato, gisulat ang gituohang mga ngalan niini.
Matod pa posibleng gikan matud pa sa sementeryo ang bagolbagol ug giingong gigamit matud pa kini sa pagpang barang.
Sa pagkakaron nagpahimangno ang mga personahe sa Police Station 10 ngadto sa mga residente nga respetuhon ang patay’ng lawas sa tawo ug dili kini gamiton sa bisan unsang dautang kalihokan.
