GENERAL SANTOS CITY- Opisyal na nga gitakda ang General Santos City isip host sa Batang Pinoy 2025. Kini nga desisyon namugna pinaagi sa pagpirma sa memorandum of agreement niadtong Agosto 4 sa Kastifun Conference Room sa syudad sa Gensan.
Ang nasudnong mga dula sa kabatan-onan gikatakdang ipahigayon sa dakbayan gikan sa Oktubre 25 hangtod 31, nga salmotan og kapin sa 15,000 ka mga atleta ug mga delegado.
Nipadayag og garbo ug kaandam ang Lokal nga Panggamhanan sa dakbayan sa pag-abi-abi sa kalihukan nga nahibalik usab sa Gensan ang host human sa 26 ka tuig, uban sa pakigtambayayong sa Philippine Sports Commission.
photo credits: Philippine Sports Commission
