Gisugyot ni Senate President Chiz Escudero nga silotan ang mga maggamit og AI nga walay pagtugot, ilabi na kung kini gigamit sa pagpakaulaw, pagpakatap og sayop nga impormasyon, o pagpangilad.
Ilawom sa Senate Bill No. 782, kasohan ang bisan kinsa nga mogamit sa hitsura sa lain nga tawo pinaagi sa AI nga walay pahibalo o pagtugot.
Depende sa gihimong sala, ang silot mahimong priso nga 1 hangtod 12 ka tuig ug multa nga ₱200,000 hangtod ₱1 milyon.
Kung opisyal sa gobyerno ang molapas, diskwalipikado kini sa tanang posisyon sa serbisyo publiko.
Aduna usab kini’y eksepsyon kung gamiton ang imahe sa matinud-anong report nga may public interest.
Sa laing bahin, gisuportahan usab ni Escudero ang pagduso og regulasyon sa paggamit sa AI sa edukasyon, trabaho, ug media, aron masiguro nga kini gamiton nga may katungdanan ug kaluwasan alang sa tanang Pilipino.
photo credits:pna.gov.ph
