Gimando ni Pangulong Ferdinand Bongbong Marcos Jr pinaagi ni Presidential Communication Office (PCO) Secretary Dave Gomez, nga mi-anunsyo Miyerkules human sa panagtagbo ni Marcos ug mga miyembro sa iyang gabinete sa iyang lima ka adlaw nga pagbisita sa nasud India.
Matud pa nga temporaryo una nga hunungon ang importasyon diin gituyo kini aron makatabang sa pag-stabilize sa presyo sa lokal nga humay ug pagsiguro nga ang mga mag-uuma dili maubos sa pagdagsang sa mas barato nga imported nga bugas.
Ang presidente mipagawas sa direktiba human sa pagkonsulta sa mga miyembro sa gabinete ug sa rekomendasyon ni Agriculture Secretary Francisco Tiu Laurel Jr, pagbutyag ni Gomez.
Sa pagkakaron ang desisyon mao ang pagsuspenso sa tanang Importasyon sa bugas sulod sa 60 ka adlaw diin magsugod kini sa Setyembre 1.
Tabangan sumala pa ang mga mag-uuma subay sa mando ni Marcos.
Samtang gitubag usab ang pangutana kabahin sa posibleng pag-adjust sa taripa diin nagtuo si Marcos nga dili pa panahon aron hisgutan ang posibleng pagsaka sa taripa sa imported nga bugas.
photo credits:pco.gov.ph
