Gikumpirma sa Department of Budget and Management (DBM) nga gikaltasan og halos P72 bilyon ang pondo nga gitagana unta alang sa mga proyekto sa flood control alang sa tuig 2026.
Gikan sa kasamtangang pondo nga P346.6 bilyon, P274.9 bilyon na lang ang gi-propose nga alokasyon alang sa sunod nga tuig.
Matud ni DBM Secretary Amenah Pangandaman, padayon pa ang pagrepaso sa tanang gidusong flood control projects.
Mahimong madugangan pa ang pondo depende sa kamahinungdanon ug kaandam sa proyekto.
Gipasabot niini nga importante nga matino og tukma ang proyekto ug aduna kini klaro ug angay nga plano.
Dugang pa ni Pangandaman, posibleng mubalik sa orihinal nga kantidad ang alokasyon, sama sa gibasehan nga pondo karong tuiga, kung makitaan og katarungan ang pagpundo niini.
source: Racquel Bayan
