Gipahibalo sa grupo sa Hamas nga andam sila nga pasudlon ang International Committee of the Red Cross (ICRC) aron maghatud og tambal ug pagkaon sa mga piniriso nga anaa sa ilang kustodiya sa Gaza.
Kini subay sa panawagan ni Israeli Prime Minister Benjamin Netanyahu.
Apan matud pa sa usa ka opisyal sa Hamas, mahimo lamang kini kung hingpit nga ablihan ang Gaza Strip ug kung mo-atras na ang pwersa sa Israel gikan sa maong dapit.
Sa laing bahin, gitawagan ni Israeli President Isaac Herzog ang presidente sa ICRC nga si Mirjana Spoljaric aron ipadayag ang dinalian nga panginahanglan sa paglihok alang sa mga piniriso.
Gipasabot niini nga kinahanglan na ang direkta ug paspas nga aksyon aron masiguro ang ilang kaluwasan.
Sa kasamtangang datos, gibana-bana nga adunay 49 ka binilanggo ang gihuptan pa gihapon sa Hamas.
Gipaniguro usab sa grupo nga andam silang makigtambayayong sa Red Cross sa paghatud sa mga humanitarian aid, labi na kung matukod ang luwas ug klaro nga mga agianan padulong sa Gaza.
source:Jovino Galang
