Gidakop ang usa ka basketball fan, human siyang naglabay og sex toy ngadto sa hardcourt sa dula tali sa Atlanta Dream ug sa Golden State Valkyries sa College Park sa Georgia.
Sumala sa Women-NBA, ang bisan kinsa nga fan nga gituyo nga molabay sa bisan unsa ngadto sa hardcourt pahawaon dayon ug mag-atubang sa one-year ban.
Gawas pa niini dakpon usab og mag atubang sa prosekusyon sa mga lokal nga awtoridad.
Ubos sa WNBA Arena Security Standards, ang mga butang nga ilabay sa hardcourt o sa mga seating area giisip nga peligro sa kaluwasan alang sa mga players, opisyal sa dula ug mga fans, busa bug-at nga silot ang ipahamtang sa mga nagbuhat niini.
Sa laing bahin, ang paglabay sa mga sex toy giisip usab nga walay pagtahod sa mga atleta ug mga opisyal sa dula.
Susamang insidente usab ang natala tali sa dula sa Golden State Valkyrie ug sa Chicago Sky sa Chicago.
Sa wala pa matapos ang dula tali sa duha, usa ka green nga sex toy ang gilabay usab ngadto sa court, apan gisipa lamang kini sa mga referee gikan sa court. Samtang nagpadayon pa ang imbestigasyon sa maong insidente.
source:WNBA
