MALAYBALAY CITY- Paslak na sa bilanggoan ang usa ka pulis kinsa gidakop human gikataho nga nanulis sa usa ka convenience store didto sa Purok-13 barangay Damilag, Manolo Fortich alas 6:45 sa buntag Agosto 5, 2025.
Daling girespondihan sa kapolisan ang maong taho sa tag-iya sa tindahan sa duty investigator ug Quick Response Team (QRT) nga gipangulohan ni PLTCOL EVARY E BACUNAWA, Officer-in-Charge sa Manolo Fortich MPS ug gilayon nilusad sa hot pursuit operation, hinungdan nadakpan ang suspetsado sa iyang panimalay.
Sa inisyal nga impormasyon sa pakighinabe sa Juander Radyo Malaybalay gikan ni spokesperson Major Jayvee Babaan sa Bukidnon Police Provincial Office gikumpirma ang insidenti kung asa adunay girespondihan nga pagpanulis ang kapolisan sa Manolo Fortich apan nakurat sila dihang ang suspetsado usa usab ka police kinsa miyembro sa Motorized Anti-Street Crime Operatives (MASCO) ilawom sa Operational Control sa Provincial Headquarters (PHQ)
Giila ang suspetsado nga si Police Corporal “Danny”, diin gamit iyang issue nga armas, gitionan ang tindera sa 7/11 ug midekla kinig tulis ug nakuha ang kapin 12 mil pesos nga salapi.
Gitataw ni Major Babaan nga dili i-tolerate ang maong buhat sa usa ka pulis busa mag-atubang kini sa tukmang kaso. Sa pagkakaron, padayon pa ang imbestigasyon ug proseso batok sa suspetsado.
VIA:Manolo Fortich MPS
