Misulod ang duha ka barko sa Chinese coast guard sa kadagatan sa Japan sa Senkaku Islands sa Ishigaki, Okinawa Prefecture, ang kinahabagatang prefecture, niadtong milabay’ng adlaw.
Gipasidan-an sa Japan Coast Guard ang duha ka mga barko sa Haijing nga mobiya sa kadagatan, human masiguro ang kaluwasan sa usa ka barkong pangisda sa Japan nga ilang gisulayan pagduol.
Ang duha ka barko misulod sa kadagatan duol sa Uotsuri Island sa Senkaku chain mga alas 12:50 sa buntag, sumala sa 11th regional headquarters sa JCG nga nakabase sa Naha, ang kapital sa Okinawa.
Ang susamang pagsulod sa Chinese Haijing nga mga barko nahitabo duol sa laing isla sa Senkaku chain niadtong Hulyo 9, 2025. Ang mga barko mibiya sa kadagatan sa Japan niadtong Hulyo 11, 2025, samtang ang Senkaku Islands nga gidumala sa Hapon sa East China Sea giangkon sa China, diin sila gitawag nga Diaoyu.
