Patay ang usa ka babaye sa nasud Colombia human natulon niya ang iyahang kaugalingong pustiso samtang natulog.
Base sa nahipos nga report, natulog ang 48-anyos nga si Maria Farias Guzman sulod sa iyahang lawak ug aksidenting natulon ang pustiso ug hinungdan nga nibara kini sa iyahang tutunlan.
Wala dayon natabangan sa pamilya ang biktima gumikan kay nagtoo lamang sila nga natulog ang biktima ug nag-agulo.
Gisulayan pa kini dala sa balay tambalanan ang biktima apan gideklara na kini nga patay tungod sa “respiratory tract obstruction.”
Panawagan sa mga eksperto ug doktor nga dili matud pa itaod ang pustiso sa panahon matulog arun malikayan ang susamang insidente.
