Giawhag sa Commission on Elections kon Comelec ang publiko, ilabina ang mga bag-o ug first-time nga mga botante, sa pag-apil sa nationwide voter registration nga gisugdan niadtong Biyernes, Agosto 1, 2025.
Gi-report ni Comelec Chairperson George Garcia ang kusog nga turnout sa pagparehistro sa mga opisina sa mga opisyal sa eleksiyon, satellite registration sites sa tibuok nasod ug sa Special Register Anywhere/Anytime Program sites sa Metro Manila, bisan pa man nga ang kickoff nahulog sa usa ka adlaw sa semana.
Dugang pa niya nga gipaabot nga makadani kini og usa ka milyon nga bag-ong mga magparehistro sulod sa 10 ka adlaw nga registration period, lakip na ang mga 500,000 ka mga batan-on nga botante nga nag-edad og 15 ngadto sa 17, diin kadaghanan kanila magparehistro isip first-time voters.
Ang rehistrasyon sa mga botante alang sa umaabot nga Barangay ug Sangguniang Kabataan Elections nga gikatakda unta karong Disyembre 1, 2025 apan gi-abante kini sunod tuig human sa pagpirma ni PBBM.
