MALAYBALAY CITY- Dead on arrival ang usa ka backrider samtang naangol ang duha ka indibidwal sa nahitabong aksidenti sa dalan pasado alas 8:22 nakalabayng gabii didto sa National Highway, Purok 4, Barangay Nicdao, Baungon
Sa eksklusibong pakighinabi sa Juander Radyo Malaybalay, giingon ni PLT Deogracias Gulayan, deputy chief sa Baungon MPS, nalambigit sa insidenti ang usa ka Skygo 125 nga single motor, nga adunay plate number K943BB gimanehoan ni Marvin Dulona, 35 anyos, uban sa iyang igsoon nga si Gelbert Dulona, nga mao ang backrider, residente sa Mabuhay, Baungon
Base sa inisyal nga imbestigasyon, ang motorsiklo padulong sa Cagayan de Oro City, gikan sa Baungon dihang pag-abot sa lugar nahitaboan, aksidenteng nabanggaan sa motorsiklo si Jhonny Lupez 50 anyos, kinsa nag-gwardiya o lookout sa nakaparadang FUSO ten-wheeler truck sa maong dapit.
Tungod sa impact ang duha ka lalaki nga sakay sa motorsiklo nakaangkon ug mga samad sa nagkadaiyang parte sa lawas, nga daling gidala sa tambalanan apan, ang backrider nga si Gelbert Dulona gideklarar dead on arrival sa doktor.
Human sa insidente ang nasangpit nga motorsiklo anaa na sa kustodiya sa Baungon MPS alang sa dugang imbestigasyon ug legal nga disposisyon samtang padayong nagpaalim sa balay-tambalanan ang mga biktima.
via: Baungon Municipal Police Station
