MALAYBALAY CITY-12 ka mga armas ang boluntaryong gitugyan sa duha ka kanhi rebeldi ngadto sa Bukidnon Enhanced Comprehensive Local Integration Program (ECLIP) Committee atol sa seremonya kagahapon Hulyo 31, 2025 didto sa Camp Captain Ramon Onahon, Bukidnon Police Provincial Office sa Malaybalay City.
Gitambongan ang seremonyas ni PLTCOL Arce V. Yam-oc, Deputy Provincial Director for Administration sa Bukidnon Police Provincial Office, uban sa LGOO III Daphne Kirstie B. Fabria-Mohamad sa Department of the Interior and Local Government (DILG) Bukidnon ug mga representante sa 43rd Military Intelligence Company, 4ID sa Philippine Army.
Human sa turnover, ang maong armas ipailawom sa saktong inspeksyon ug dokumentasyon sa ECLIP Committee agig pagpangandam sa katugbang nga proseso sa suhol ubos sa programa.
Kining mahinungdanon nga panghitabo nagpasiugda sa pasalig sa kanhi mga rebelde sa usa ka malinawon nga dalan ug nagpamatuod pag-usab sa dedikasyon sa gobyerno sa pagsuporta sa ilang reintegrasyon ngadto sa mainstream nga katilingban.
Via:DILG Bukidnon
