𝗔𝗟𝗘𝗫 𝗘𝗔𝗟𝗔 𝗗𝗜𝗟𝗜 𝗠𝗔𝗞𝗔𝗗𝗨𝗟𝗔 𝗦𝗔 𝗖𝗜𝗡𝗖𝗜𝗡𝗡𝗔𝗧𝗜 𝗢𝗣𝗘𝗡 𝗧𝗨𝗡𝗚𝗢𝗗 𝗦𝗔 𝗜𝗡𝗝𝗨𝗥𝗬

Dili makadula ang Pinay tennis star nga si Alex Eala sa Cincinnati Open tungod matud pa nagpakaayo pa kini sa iyang injury sa iyang abaga, matod pa sa Women’s Tennis Association.

Kini human sa iyang first-round exit sa National Bank Open sa Montreal, diin gipildi siya ni Czech Marketa Vondrousova sa tulo ka set, sa final score nga 6 over 3, 1 over 6, ug sa ulahing set nga 2 over 6.

Bisan pa sa sayo nga paggawas pagkahuman sa iyang debut sa Wimbledon, ang 20-anyos nga tennis star mipaambit sa iyang kahinam bahin sa pagdula sa Montreal.

Si Eala nahulog gikan sa World No. 65 ngadto sa World No. 69, apan nangandam gihapon alang sa US Open sa New York karong Agosto. Sa iyang pagbalik sa Pilipinas, si Eala nagkanayon nga nagplano siya nga mosalmot sa mga torneyo sa Asia human sa US Open.