𝐋𝐀𝐋𝐀𝐊𝐈 𝐍𝐀𝐆𝐏𝐀𝐊𝐀𝐌𝐀𝐓𝐀𝐘 𝗧𝗨𝗡𝗚𝗢𝗗 𝗦𝗔 𝗗𝗘𝗣𝗥𝗘𝗦𝗬𝗢𝗡

MALAYBALAY CITY- Patay ang usa ka lalaki human nakit-ang nagbitay ibabaw sa purtahan sa ilang balay, Hulyo 31, 2025 didto sa Purok- 3, Barangay Casisang syudad sa Malaybalay.

Sa pakighinabi sa Juander Radyo Malaybalay, giingon ni alyas “Beng,” manghud sa biktima, nga sa mga kadlawon sa samang adlaw, misulay na kini sa pagpakamatay pinaagi sa kutsilyo, apan napakyas human daling natabangan sa mga Barangay Public Safety Officers (BPSO) ug sa kapolisan.

Paglabay sa pipila ka oras, pagka bandang alas 3:00 sa hapon, gisusi sa bana ni Beng ang balay sa biktima nga giilang si Alyas “Glen” 35 anyos, ug didto nakita na kining nagbitay na.

Sumala pa ni Beng, posibleng ang hinungdan sa pagkutlo sa kinabuhi iyang magulang, tungod sa personal nga problema, human kini gibiyaan sa iyang asawa ug mga anak, kinsa giingon usab nga positibo sa paggamit og marijuana.

Sa pagkakaron, nagpahigayon og lawom nga imbestigasyon ang Malaybalay City Police Station aron masuta kung aduna bay foul play sa maong insidente.

Photo:indianexpress.com