𝐌𝐀𝐆-𝐔𝐔𝐌𝐀 𝐀𝐑𝐄𝐒𝐓𝐀𝐃𝐎 𝐒𝐀 𝐃𝐑𝐔𝐆 𝐁𝐔𝐘𝐁𝐔𝐒𝐓 𝐎𝐏𝐄𝐑𝐀𝐓𝐈𝐎𝐍

IPIL-Arestado ang usa ka mag-uuma sa gipahigayong Drug buy-bust operation sa kapulisan sa Titay Municipal Police Station nga gipangulohan ni PMAJ ARNOLD A ESPARES, ACOP, sa Purok Mahayag, Culasian, Titay, Zamboanga Sibugay niadtong nakalabay nga adlaw.

Naila ang dinakpang usa ka lalake, 37 anyos, minyo, mag-uuma nga residente sa Purok Bayanihan 2, Kalawit, Zamboanga Del Norte, human mapamatud-an nga nagbaligya og illegal nga droga atol sa operasyon sa kapulisan.

Nakuha gikan kaniya ang 4 ka pakete sa gidudahang shabu, nga mobalor sa ₱6,800 ka pesos ug usa ka 500 peso bill nga buy-bust money.

Sa pagkakaron anaa na sa Titay MPS ang dinakpan, ug gikatakdang pasakahan ug kasong pagsupak sa RA 9165 o Comprehensive Dangerous Drugs Act of 2002.

source:TITAY MPS