NABUNTURAN- Nasikop sa mga operatiba sa Davao de Oro Police Provincial Office, pinaagi sa Compostela Municipal Police Station, ang usa ka drug suspect atol sa gikasang buy-bust operation sa Barangay Poblacion, Compostela, Davao de Oro.
Giila ang suspek nga si alyas “Manoy”, ulitawo, walay trabaho, ug residente sa Barangay Maparat sa nahisgutang lungsod.
Napalitan kini og usa ka sachet sa gituohang shabu sa usa ka undercover police officer nga nagsilbing poseur buyer. Dugang pa, nasakmit usab sa iyang posisyon ang laing usa ka sachet sa gituohang shabu ug usa ka marked bill nga gigamit sa operasyon.
Sa pagkakaron, anaa na sa kustodiya sa Compostela Municipal Police Station ang suspek, samtang giandam na ang kaso batok kaniya ilawom sa Republic Act 9165 o Comprehensive Dangerous Drugs Act of 2002.
Source: DDOPPO
