Andam na si 8-Division World Boxing Champion Manny Pacquiao nga makigharong sa wa’y pildeng boksidor nga si Floyd Mayweather Jr. Human sa away ni Pacquiao kang Welterweight belter Mario Barrios, gipangutana ang Pinoy nga boksidor kon andam ba siya ug andam nga makigsangka kang Mayweather, usa sa mga heavyweight nga boksidor nga mipildi kaniya kaniadto.
Gitataw ni Pacquiao nga lisod pa hisgotan ang usa ka fighter nga niretiro na sa iyang duwa. Apan, kon makagawas si Mayweather sa pagretiro ug mopirma og kontrata, andam siyang makigsangka sa wa’y pildeng boksidor.
Sukad sa 2015 Pacquiao-Mayweather fight, ang rematch tali sa duha nahimong init nga hisgutanan, diin daghang mga boxing promoters ang mipadayag sa ilang tinguha nga mahitabo ang rematch.
Ang away, nga gitawag og ‘megafight’, maoy usa sa pinakadakong away sa kasaysayan sa boksing. Base sa public records, nikita kini og $400 million pay-per-view. Katumbas kini sa P22.892 bilyones.
Gihimug-atan ni Pacquiao nga kon gusto ni Mayweather nga moaway, andam siya nga makig-atbang kaniya ug wala siya’y problema niini, karon ug usab aktibo siya sa professional boxing.
Matod niya nga wa siyay pilion sa iyang mga kaatbang ug silang tanan iyang sangkaon ubos sa weight divisions nga iyang gihuptan.
ctto:secondsout.com
