MALAYBALAY CITY- Mokabat sa 104.9 gramos nga mobalor og Php 713,310. 00 ang kinatibuk-ang kantidad sa nasakmit nga shabu, gikan sa duha ka suspetsadong nasikop sa buy-bust operation didto Purok-3 Bangbang, Kalilangan, Bukidnon niadtong niaging adlaw.
Mag-atubang sa kasong paglapas sa Article II, Sections 5 ug 11 sa R.A. 9165 (Comprehensive Dangerous Drugs Act of 2002) ang dinakpan giilang si alyas “Longlong” walay trabaho, kauban ang iyang live-in partner, 32 anyos, self-employed, parehong residente sa Purok-1 Kiharong, Maramag.
Gidayeg ni Provincial Director PCol. Jovit Lontac Culaway ang mga personahe sa Kalilangan Municipal Police Station pinangulohan ni PCPT ROMEO M ARCILLA JR, Officer In-Charge (lead unit) uban sa RMFB-10, 1004th Coy 2nd PB sa koordinasyon sa BUK PIU sa paspas nga aksyon nga misangpot sa kalampusan sa operasyon nga nagpasiugda sa ilang dili matarug nga pasalig sa pakigbatok sa ilegal nga drugas.
Samtang gidala sa Kalilangan Municipal Police Station ang dinakpan lakip ang mga nasakmit nga butang alang sa tukmang dokumentasyon ug disposisyon samtang ang nakumpiskang drug items iduso sa Provincial Forensic Unit para sa qualitative ug quantitative examinations.
via: Kalilangan Municipal Police Station
