𝗚𝗜𝗟𝗔𝗦 𝗚𝗜𝗣𝗜𝗟𝗗𝗘 𝗔𝗡𝗚 𝗪𝗢𝗠𝗘𝗡 𝗟𝗘𝗕𝗔𝗡𝗢𝗡, 𝟳𝟯-𝟳𝟬 𝗦𝗔 𝟮𝟬𝟮𝟱 𝗙𝗜𝗕𝗔 𝗪𝗢𝗠𝗘𝗡’𝗦 𝗔𝗦𝗜𝗔 𝗖𝗨𝗣

Anaa na karon ang Gilas Pilipinas Women sa pre-qualifying tournament sa FIBA Basketball Women’s World Cup 2026.

Kini human nila gipildi ang Lebanon 73-70 sa ilang sangka sa 2025 FIBA Women’s Asia Cup nga gipahigayon sa China.

Si Naomi Panganiban maoy nangulo sa team sa kadaugan pinaagi sa iyang 15 puntos, upat ka rebounds ug tulo ka assists samtang si Jack Animan adunay 14 puntos.

Niamot og 14 puntos si Sumayah Sugapong, 13 puntos si Vanessa de Jesus ug 10 puntos si Kacey Dela Rosa.

Ang Gilas nahagba og usa ka punto, 71-70, sa nahabiling 8.3 segundos dihang si Panganiban mipasud og duha ka free throws sa foul line aron mapausbaw ang labaw ngadto sa 73-70.

Kini maoy labing unang daog sa Gilas Women sukad sila napildi sa Australia ug Japan.

Nagpadayon karon ang playoffs ug ilang ikasangka ang number 2 ranked team sa Group A.