Patay ang 20 ka mga indibidwal human sa nahitabong stampede sa usa ka aid distribution center sa habagatang Gaza. Ang pag-apod-apod sa hinabang gipangunahan sa US ug Israel-backed Gaza Humanitarian Foundation (GHF).
Sumala sa GHF, 19 ka indibidwal ang patay diha-diha,- samtang usa ang namatay human gidunggab. Labing minos 40 ka mga tawo ang nadala sa tambalanan human naka-angkon og samad.
Giakusahan sa Government Media Office ang mga security contractor nga maoy nagpaluyo sa stampede tungod kay ilang gisirhan ang mga ganghaan.
Gipanghimakak sa GHF nga nigamit sila og tear gas aron pagpatibulaag ang mga tawo nga wala maglinya sa pagpang-apod-apod sa pagkaon.
