𝐃𝐔𝐇𝐀 𝐊𝐀 𝐑𝐔𝐒𝐒𝐈𝐀𝐍 𝐍𝐀𝐓𝐈𝐎𝐍𝐀𝐋, 𝐍𝐀𝐀𝐍𝐆𝐎𝐋 𝐒𝐀 𝐀𝐊𝐒𝐈𝐃𝐄𝐍𝐓𝐄 𝐒𝐀 𝐌𝐎𝐓𝐎𝐑𝐒𝐈𝐊𝐋𝐎

TAGUM CITY- Naangol ang duha ka Russian National sa nahitabong aksidente sa motorsiklo nga anaa sa daplin sa national highway sa Solid Rock, Poblacion Kaputian District, Island Garden City of Samal, Niadtong nakalabay nga adlaw, sa alas 12:27 sa udto.

Nakadawat matud pa ug tawag ang IGACOS Police Station gikan sa usa ka concern resident kabahin sa maong insidente, nga gi-report usab nga usa ka self-accident gamit ang usa ka puti nga Honda Mio 125.

Sumala sa report, ang maong motorsiklo gimaneho matud pa ni Vitaly Safronov, 50 anyos, ulitawo, usa ka Russian National nga nagpuyo sa Purok Cacao, Poblacion Kaputian, Usa ka holder sa Non-Professional Driver’s License nga balido hangtud Mayo 2, 2029.

Angkas niini ang 59-anyos nga si Dmitry Chenstov, usa ka minyo, parehong Russian National nga nagpuyo sa susamang lugar, ug naka-angkon ug samang samad sa kalawasan ang duha human sa maong insidente diin padayong nagpa-alim karon sa balay Tambalanan.