Malipayong gipaambit ni Kiefer Ravena nga iyang personal nga nakaila ang pipila sa mga sikat nga basketball players sa kalibotan.
Sa usa ka sports brand gathering sa Athens, Greece, ang kanhi magduduwa sa Gilas Pilipinas mipaambit og hulagway sa mga sikat nga basketball players.
Sa iyang social media account, makita ang selfie niya kauban ang NBA legend nga si Michael Jordan.
Mitambong usab sa maong panagtapok ang pipila ka mga magduduwa sama nila ni Carmelo Anthony, Rip Hamilton, Mike Bibby.
Mitambong usab sa maong panagtapok ang kasamtangang mga magduduwa sa NBA sama nila ni Los Angeles Lakers stars Luka Doncic ug Rui Hachimura, Miami Heat stars Jaime Jaquez Jr ug Bam Adebayo; Si Zion Williamson sa New Orleans ug Paolo Banchero sa Orlando Magic.
