MALAYBALAY CITY- Kritikal ang driver sa usa ka 10wheeler truck samtang luwas ang pahenante niini dihang mibangga sa usa ka punuan sa gemilina nga kahoy pasado alas 3 sa kadlawon karong adlawa Hulyo 16, 2025, sa Sayre Highway P-2B, Barangay Aglayan, syudad sa Malaybalay.
Ang maong 10Wheeler truck Kolor Green, gimaneho ni alyas “Bert” 26 anyos, kinsa nagbiyahe gikan syudad Butuan, human naghatod ug mga sinako sa asukar ug pauli na unta didto sa dakbayan sa Valencia, dihang pag-abot sa lugar nahitabuan aksidenting nahulog ang pikas ligid niini sa shoulder sa highway ug nilahos pagkabangga sa dakong punoan sa kahoy.
Sa maong panghitabo miresulta sa pagkaipit sa driver, samtang naka-angkon ug minor Injury ang pahinante nga parehas gipangdala sa hospital alang sa medikasyon nga atensyon.
Base sa inisyal nga imbestigasyon gituohang nakatulog ang driver sa maong truck hinungdan sa pagkabangga. Sa karon, ana-a pa nagpabilin sa lugar ang maong truck, samtang gipaabot ang tukmang disposisyon niini.
