Human sa hapit upat ka dekada sa kalibutan isip boksing fighter, trainer, matchmaker, ug promoter, si Sean Gibbons nagtuo nga nakita na niya ang tanan. Apan nausab kini sa dihang nakatrabaho na niya ang Pambansang Boksidor nga si Manny Pacquiao.
Si Gibbons niingon nga wala pa siya makakita og sama sa kakugi ug determinasyon ni Pacquiao samtang nagtan-aw nga nagpraktis alang sa iyang away batok ni Mario Barrios alang sa WBC welterweight title karong Sabado.
Sa edad nga 46, nagpadayon ang grabeng pagkondisyon ni Pacquiao nga matod pa niya mas grabe pa sa mga batan-ong boksidor sama ni Eumir Marcial, nga naglisod sa pagsundog sa pagbansay sa boxing legend.
Dugang pa niya nga si Pacquiao daw nakabalik na sa 2019 prime form sa kalidad sa iyang preparasyon karon. Si Gibbons, niingon nga kon mapildi ni Pacquiao si Barrios, kinahanglang i-induct siya pag-usab sa International Boxing Hall of Fame.
Sa laing bahin, sa kataposang mga adlaw sa iyang pagbansay, wala gihapon mohunong si Pacquiao.
