CAGAYAN DE ORO CITY – Balhog sa bilanggoan sa Maharlika Detention Cell ang usa ka bana human gitigbas ang iyang asawa, didto sa Barangay Balulang dakbayan sa Cagayan De Oro.
Base sa inisyal nga imbestigasyon sa Carmen Police nga gumikan matud pa sa sugal-online nagkalalis ang magti-ayon tungod kay gipaksi-an sa bana, ang gcash sa iyang asawa nga balor sa kapin 300 ka pesos.
Rason nga gi-samurai pagtigbas sa bana ang iyang asawa hinungdan nga nakaangkon kini og samad tinigbasan sa kalawasan.
Sa pagkakaron, ang suspetsado mag-atubang sa kasong may kalapasan sa RA 9262 kon Violence Against Women and Their Children’s Act.
