Gipahibalo ni US President Donald Trump nga ang 35% nga taripa ipahamtang sa mga produkto nga gi-import gikan sa Canada sugod sa Agosto 1, 2025, sumala sa usa ka sulat nga iyang gipadala ngadto sa Canadian Prime Minister Mark Carney.Kini may kalabotan sa iyang agresibong kampanya nga iyang gitawag og “trade war” batok sa lain-laing nasod.
Bisan kung ang Canada ug Estados Unidos anaa sa tunga-tunga sa mga negosasyon aron maluwas ang USMCA (United States-Mexico-Canada Agreement), nga mipuli sa North American Free Trade Agreement (NAFTA) sa 2020.
Ang orihinal nga target nga matapos ang panaghisgot sa Hulyo 21, gi-postpone kini sa Agosto 1 tungod sa hulga sa mga taripa.
Si Carney, sa laing bahin, nagpahayag sa mga kasiguruhan nga ang iyang administrasyon makig-away alang sa interes sa mga mamumuo ug negosyante taliwala sa pagpit-os gikan sa Washington.
Kahinumdoman nga kaniadto, ang U.S. nipahamtang usab og 25% nga taripa sa mga produkto gikan sa Canada ug Mexico, apan temporaryong mihatag og exemptions ubos sa USMCA.
Bisan pa sa mas init nga relasyon tali ni Trump ug Carney sa miaging mga miting, ang sitwasyon nahimong tensiyonado na usab human sa bag-ong hulga.
Sumala ni Trump, gikonsiderar usab niya ang pagpahamtang sa 15-20% nga taripa sa ubang mga nasud sugod sa Agosto 1 ning tuiga.
