Nisaad si World Boxing Council (WBC) welterweight champion Mario Barrios nga dili siya magpakitag kaluoy kang 8-Division world champion Manny Pacquiao sa gikatakdang away ibabaw sa ring.
Matod ni Barrios, wala siya’y plano nga buhaton ang nahitabo sa dihang nag-atubang sila si Jake Paul ug Mike Tyson, diin nagpakitag siya og kaluoy ngadto kang boxing legend Tyson.
Gipanganti niini nga Ipabati niini ang kabug-at sa iyang kumo ngadto sa Filipino boxing icon. Nangatarungan si Barrios nga kon magbalik-balik sila ni Pacquiao sa posisyon, seguradong dili siya magpakitag kaluoy kaniya.
Ang welterweight champion namahayag usab nga walay dapit nga kaluy-an sa sport nga iyang gisudlan, ug miingon nga andam siya nga depensahan ang iyang titulo, bisan kinsa ang iyang atubangon.
Sa pagkakaron 46 anyos na si Pacquiao samtang 30 anyos pa lang ang boksingero nga iyang ikasangka. Bisan pa nga mas beterano na si Pacquiao sa ring, si Barrios nagkupot sa ubang pisikal nga kahimtang sama sa mas taas siya height ug mas taas nga mga bukton. Ang duha gikatakdang magsangka karong Hulyo 20,2025.
