MALAYBALAY CITY- Patay ang usa ka 35 anyos nga mekaniko, human kini maghunos sa iyang kaugalingog kinabuhi, residente sa Saldivar Compound, Purok 4, Poblacion, Libona, Bukidnon, alas 4:00 sa kaadlawon Hulyo 9, 2025, sa ilang panimalay mismo pinaagi sa paghigot sa usa ka cable wire sa iyang liog.
Sa inisyal nga imbestigasyon sa kapolisan, matud pa sa asaw, nga bandang alas 9:00 kagabii Hulyo 08, 2025, siya ug ang ilang mga anak miadto sa ilang lawak aron matulog samtang ang biktima nagpabilin sa ilang sala ug naghigda kini sa ilang sofa, dihang sa iyang pagmata mga alas 4:00 sa kaadlawon Hulyo 9, 2025, aron mag-andam sa pamahaw, nabantayan niya nga wala sa bangko ang iyang bana ug abli ang pultahan sa luyo sa ilang balay, gipangita niya ang iyang bana ug nadiskubrehan ang insidente.
Dali kining nagpakitabang sa iyang pamilya ug kabanay ug gitangtang ang biktima sa pagbitay tungod sa paglaom nga maluwas, kung asa ang mga personahe sa Libona Rescue Unit misuway pag-revive sa biktima apan gideklarang patay na.
Dugang pa sa asawa nga wala kini problema sa ilang kaminyuon apan ang biktima hilomon nga pagkatawo ug dili kaayo makig-estorya o mag-share og problema kaniya.Samtang nasayran nga walay nakitang foul play sa lawas sa biktima.
