Gipahibalo ni US President Donald Trump ang bag-ong pagpahamtang sa mga taripa sa unom ka mga nasud. Nagpadala na si Trump og mga sulat sa Algeria, Brunei, Iraq, Libya, Moldova ug Pilipinas.
Ang sulat nag-ingon nga usa ka 30 porsyento nga taripa ang gipahamtang sa mga produkto gikan sa Algeria ug Iraq. Samtang 25 porsyento ang gipahamtang sa Brunei, Libya ug Moldova ug ang Pilipinas adunay 20 porsyento.
Ang maong bag-ong taripa mu-epekto sa Agosto 1 ning kasamtangan nga tuig. Ang nasangpit nga sulat nunot sa pagtapos sa 90 ka adlaw nga negotiation period diin magsugod ang levy hangtod sa 10 porsyento. Gihatagan ni Trump og higayon ang mga lider sa nahisgutang mga nasud nga makigsabot sa dili pa ang Agosto 1 nga deadline.
Gihingusgan ni Trump nga wala nay dugang nga extension alang sa mga nasud nga nakadawat sa maong sulat. Kahinumduman nga niadtong Lunes, gipahamtang usab ni Trump ang 25 porsiyento nga taripa sa mga produkto gikan sa Japan ug South Korea.
