Gipahinumdoman sa Provincial Government of Davao Oriental ang publiko nga posible gihapon ang pag-ulan bisan pa sa El Niño, sumala sa Department of Science and Technology–PAGASA.
Gipatin-aw nga ang Easterlies, localized thunderstorms, Amihan ug mga bagyo mahimong hinungdan sa pag-ulan. Gibanabana usab sa PAGASA nga adunay usa hangtod duha ka bagyo nga posibleng mosulod sa Philippine Area of Responsibility karong Nobyembre ug susamang gidaghanon sa Disyembre.
Giawhag ang mga residente nga mag-amping, magdala og payong ug kanunay nga mosubay sa weather advisories aron maandam sa kalit nga pagbag-o sa panahon.
Photo courtesy: DavOr










