Giila isip Top 1 Performing Local Project Monitoring Committee (City Category) ang Local Project Monitoring Committee (LPMC) sa lokal nga panggamhanan sa Ormoc City atol sa Eastern Visayas Subaybayani Awards 2026 nga gipahigayon sa Tacloban City kagahapong adlawa.
Midawat sa maong pasidungog sila LPMC Chairman PB Eduardo Nazario ug Liga President PB Esteban V. Laurente, kauban sila DILG Ormoc City Local Government Operations Officers Atty. Rafunzel S. Bero ug Atty. Christy Anne Amboy, ingon man si LGOO II Rojiel Movilla.
Ang maong pag-ila nagpakita sa makanunayong paningkamot ug dedikasyon sa LPMC sa pagsiguro sa transparent ug epektibong pagmonitor ug pagtimbang-timbang sa mga programa ug proyekto sa siyudad, lakip na ang pagsiguro sa hustong pagpatuman niini subay sa gitakdang mga sumbanan.
Photo courtesy: City Government of Ormoc










